Project Description

كوتش حسين على

  • كوتش أفراد مستوى محترف

  • كوتش مجموعات

  • لغة عربية

  • لغة إنجليزية

  • مصر

اسمى حسين على، الحياه بنسبالي رحلة بتعلم فيها نفسي، مؤمن إن كل واحد فينا كيان مستقل فريد من نوعه، لا ينطبق عليه أية أحكام أو تصنيفات عامة، من وجهة نظري مفيش صح مطلق أو غلط مطلق، ولو فيه صح مطلق أو غلط مطلق، فمش أنا اللي أقدر أحدده لأنى مش إله، عشان كده أنا لا أقدم توجيهات أو تعليمات لأحد، أثق في قدرة كل واحد فينا انه يقدر يساعد نفسه ويلاقي الحلول اللي محتاجها لو حاول بجدية، مؤمن بقيمة وكرامة كل خلق الله وعلى رأسهم الإنسان، بشوف الحياة بعين واقعية بعيده عن الرومانسية، وبتقبل فكرة ان الحياة دايما في تغير مستمر، عشان كده مؤمن بقيمة التغيير، التغيير هو الحل الوحيد عشان اقدر اعيش حياه كل يوم بتتغير، مؤمن بحكمة ربنا في اختياره لتجربة كل واحد فينا، وفي الرسايل اللي بيبعتهالنا من خلال الحياه او من خلال الناس اللي حوالينا، رسالتي ليك/ليكى هي (التفعيل) ، كفاية أقول نفسي ابقي كذا او نفسي اعمل كذا ومعملوش، كفاية احلام مبتتحقش ودنيا مبتتعاش، كفايه نبعد عن نفسنا وعن حياتنا الحقيقية اللي نستحق نعيشها، بستمتع جدا باني اسمع اكتر ماتكلم خصوصا لما اكون بسمع كلام صادق حقيقي، وبحس اني محب لما بنجح في توفير مساحة أمان للمتكلم، بحس بالرضا لما ربنا بيستخدمني في تغيير حياة شخص للأفضل. درست الكوتشنج مع كوتش سامر حسن اول كوتش عربي حاصل على درجة الاستاذية(MCC) من المنظمة الدولية للكوتشنج (ICF)، وقائد من أصل ستة قادة في مجال الكوتشنج على مستوى العالم، حصلت على شهادة إتمام ١٣٢ ساعة في الكوتشنج الفردي (Personal coaching) ، وده بيعادل في (ICF) كوتش على مستوى درجة الاحترافية (PCC)، وحصلت على شهادة من نفس المدرسة لكوتشنج المجموعات (Group Coaching). بالإضافة إلى حبي للكوتشنج وإيماني الشخصي بقيمته وأهميته، فالشهادات دي ادتني ثقة أكبر اني أعرض خدمات الكوتشنج لكل حد حابب انه يتغير ويخلي حياته أحسن، أنا موجود عشان أساعدك بكل الحب والتقدير والامتنان.

احجز جلستك!