حابة اكتب ريفيو عن شغل دكتورة فاطمة

كنت قبل الجلسة حاسة انى انا تايهة و عندى مخاوف من حاجات مش عايزة اقول انها عندى فعلا او يعنى زى ما كل الناس بتعمل انها مش عايزة تواجه مخاوفها او مشكلتها

اثناء الجلسة ساعدتنى ان انا اقدر ادخل جوة و اشوف ايه هى المخاوف دي

و نستفهم (نرتبهم) و نشوف هل هى فعلا حاجات تخوف و لا لأ

ده فرق معايا جدا يعنى

حسيت بتطور فى الجزء ده.. انى بقيت قادرة ادور بالظبط فين الخوف اللى جوايا و كمان وراه ايه..

ده التطور اللى انا حسيته

و انى باقدر اعمل ده حتى مع نفسى..

الجلسة فرفت معايا جدا

و دلوقتى كونى قادرة اعرف فين المشكلة .. فانا بقيت قادرة اعرف فين الحل..

حتى لو كان الحل ده انه الواحد هيلجأ لحد ان هو يساعده بس ده بقى يكفى ..أنه بقي عارف ايه هو الحل ..

كوتش فاطمة هى حد منظم جدا .. حد decent جدا.. حد مهذب كمان.. يعنى متدين فبس مش بيفيدك من الناحية النفسية كمان بيفيدك من الناحية الدينية فدى كلها حاجات انا شايفة انها مختلفة عن ناس كتير فيها..

ده اللى بيخليها مميزة

هى حد بيعرف يوصلك من جوة اوى فبسرعة بيلقط فين المشكلة و بيساعدك تطلع الحل من جواك

الجلسة بتاعتها بتكون قوية جدا يعنى..

و بتابع الfeedback يمكن خلال شهر

دى حاجة كويسة جدا..

انا اشتغلت مع كوتش فاطمه علي مشكله قويه في حياتي

مشروع وقف سنين و ضيعت فيه ١٠ سنين من عمري و كنت وصلت للحسره على السنين اللي راحت بدون الوصول للهدف و مش عارفه احاول تاني و ممكن اضيع سنين تانيه و لا أقفل الموضوع و عوضي على الله

انا اخدت مع كوتش فاطمه باكدج ٤ سيشن مش عارفه احدد بالظبط ازاي تم التغيير و لا ايه خطواته بس بعد كل سيشن كان بيبقى فيه تغير و خطوات تخليني أقرب للهدف و شايفاه بوضوح و عارفه بالظبط انا عايزه ايه و اوصله ازاي

ثقتي ان ربنا مش هيضيع مجهودي بقت قويه و ان حتى لو اتقفل الموضوع فأنا راضيه تماما عن النتيجه

كنت في الأول مستنزفه نفسيا و بدنيا.. قلقانه و متوتره كسلانه و و معنديش طاقه و لا حماس مرهقه على طول

بدأنا بخطوات صغيره و لكن متتاليه و ثابته خلتني متحمسه اني أنجز و التوتر و القلق قل كتير و الإرهاق اتحول لقدره على الإنجاز عرفت عايزه اوصل لآيه في كل خطوه و ازاي اطلب المساعده فى إنجازها لو تطلب الامر

انا بطبعي انسانه متردده في اتخاذ القرارات و باخد وقت طويل في اخذ اي قرار.. لكن مع الجلسات و رؤيه الهدف بوضوح اخدت قرارات حاسمه و في الوقت المناسب

بفضل الله انه سبحانه و تعالى جعل كوتش فاطمة معايا فى طريقى و الحمد لله حققت الهدف اللي اتعطل سنين طويلة