حُسين على ( الكوتشهندس)

الفصل الأول (1سنة :10 سنين): صنم من ذهب

بدأت حياتى كطفل مثالى متفوق دراسيا وأخلاقيا ورياضيا، ومع ذلك كنت طفل خايف بدور على الأمان طول الوقت، أنسب تشبيه ليا فى المرحلة دى هو (صنم من ذهب)، المظهر الخارجي مصنوع من الذهب، لكن الجوهر الداخلي عباره عن كتلة من الصخر والمخاوف والقيود.

الفصل الثانى (21:11): شاعر افلاطونى

عشان كده بدأت أدور من بدرى على فكرة الحب، اللى كان هيضمنلى -من وجهة نظرى ساعتها- معانى زى التقبل والحنان والدعم – حتى لو كان مجرد حب أفلاطونى، صنعت قصة حب من خيالى وعشتها أكتر جوا عقلى، وقتها اخترت كهف صغير جوايا معزول عن الناس، عشت فيه لوحدى عشان أقدر أحس بالأمان اللى انا محتاجه. جوا الكهف ده كان عندى وقت أحب وأقرا واكتب واتعلم نفسى شوية بشوية،ومع نهاية مرحلة المراهقة كانت بداية النضج وبداية مرحلة التجربة العملية.

الفصل الثالث (28:21): الباحث

فى المرحلة دى اتخرجت من كلية الهندسة و بدأت أخرج من الكهف، وأول ما خرجت حسيت إنى غريب، كنت بحس إن كل الناس عارفين خلاص هم عايزين ايه من الدنيا ونا لسه معرفش، ودايما كان بيبقى عندى فضول أعرف الناس دى بتقول لنفسها ايه عشان تحس بكل الثقة دى؟ وصلت  -ساعتها- بمساعدة مواد التنمية البشرية إن الإجابة فى الشغف، وإنى محتاج أعرف شغفى كويس عشان لما أمارسه هكون شاطر وبالتالى أقدر أحس بنفسى وأسيب بصمتى وأتملى من جوايا.

الفصل الرابع (29:الأن): الكوتشهندس

بعد رحلة طويلة من البحث استمرت حوالى تسع سنوات، مقدرتش أوصل لحاجة واضحة أو شكل معين أقدر أقول عنه هى دى حياتى اللى جاية، وفى بداية الفصل ده من حياتى واستكمالا لرحلة البحث جربت الكوتشنج كمستفيد قبل ما أكون كوتش، كان بنسبالى زى المراية الصافيه، ساعدنى أتعرف على نفسى من أول وجديد، وأبنى علاقتى بنفسى بطريقة صحية وحقيقية، قدرت أفهم احتياجاتى وأولوياتى وتحدياتى وأحدد قيمى فى الحياة، وبقى عندى بوصلة قوية أقدر أرجعلها أول ما احس إنى بدأت أتوه، عرفت انى مش محتاج حياه معينه عشان أكون راضى عن نفسى، كل اللى أنا محتاجه إنى أكون نفسى، مهما كان شكل الحياه اللى أنا فيها، وده بنسبالى أصبح باب الإزدهار الحقيقى، عشان كده قررت أكون جزء من رسالة الكوتشنج القيمة، وأساهم بقدر استطاعتى فى إزدهار الأخرين.

الإزدهار رحلة، تبدأ بنية، وتكتمل بإنشاء علاقة صحية مع نفسك، وتكتسب فيها الثقة بالنفس وتقدير الذات والأمان.

ده سبب إنى تخصصت فى كوتشنج (Well being)، واخترت لقب (الكوتشهندس) , ورسالتى لكم هى (إعادة هندسة حياتك).

معا بإذن الله نختصر سنوات طويلة من البحث في جلسات معدودة من الكوتشنج.