والنفع في الكوتشينج مش بتقديم الحلول والتوجيه و الإرشاد علشان ده نفع سطحي ومحدود ولكن نفع الكوتشينج بيساعدنا اننا نكتشف و نعرف نفسنا ولما بتعرفوا نفسكم بتوصلوا لكل الحلول علشان هي جواكم وبتحققوا التوازن النفسي وده بيغير علاقتكم بنفسكم وبالحياة وحياتكم بتتغير بنور معرفة النفس وهي دي الخدمة اللي بيقدمها الكوتش علشان كده أنا هنا درست الكوتشينج ونفعت نفسي وحبيت من قلبي انفعكم

أنا بحب الطبيعة بكل اشكالها وبحب كل إنسان لكونه إنسان
وبعشق الأمومة و بحترم الصداقة والعلاقات الإنسانية
وبستمتع بالأكل وبجتهد دايماً ان نظام حياتي يكون صحي
ومؤمنة جدا بمبدأ التطوير والتغيير المستمر للذات والآخرين.

خبرتي ناتج اللي اتعلمته من تجاربي في الحياة مش ناتج تجاربي.
وقيمي ناتج قيمي اللي بفعلها وأمارسها مش اللي مؤمنة بيها وبقولها.
وقيمي الأساسية هي (الحب و الرحمة و الإحسان و الحرية) وكل قيمة فيهم بتفعل القيم الآخري.

هوايتي دراسة كل حاجة بحبها وعندي شغف تجاها
حبيبت الطب البديل ودرسته لرفع جودة حياتي
ودرست فن الاتيكيت لتحقيق توازن الداخل مع الخارج ودرست الإذاعة وتقديم البرامج وقدمت برامج هدفها رفع الوعي من خلال فكره او كلمه تضيف لإنسانيتنا ووعينا
وانغرمت بالعلوم الإنسانية وتنمية الذات والطاقة والكوتشينج ودرستهم بحب وتوسع.
والحمدلله كانت مرجعيتي بكل دراساتي هي الدين لتحقيق رضا نفسي و نفع حقيقي ليا اقدر انفع بيه غيرى.