تخطي إلى المحتوى الرئيسي
كُنKUNKUN

التفكير الحسّي · فيديو

قيمٌ صارت مكانًا: حكاية ديوة

من داخل ديوة، وقد انتهى لتوّه من ريتريته، يبدأ سامر الحكاية من علاقة سبقت المكان نفسه: علاقته بشريف الذي صار الناس يسمّونه أبو ديوة. ويحكي شريف كيف كتب لنفسه قيمًا أربعًا، الأصالة والهدوء والسلام والسكينة، دون أن يخطر له أنها ستصير مكانًا يدخله الناس.

٦ دقائق قراءة
Read in English
بودكاستالحلقة 1

من داخل ديوة، وقد انتهى لتوّه من ريتريته، يبدأ سامر الحكاية من علاقة سبقت المكان نفسه: علاقته بشريف الذي صار الناس يسمّونه أبو ديوة. ويحكي شريف كيف كتب لنفسه قيمًا أربعًا، الأصالة والهدوء والسلام والسكينة، دون أن يخطر له أنها ستصير مكانًا يدخله الناس. ثم يصف سامر كيف يلمس الزائر هذه القيم في الزرع والغرفة وطريقة الاستقبال، حتى يحسّ أنه جالس داخل قيم صاحبها. ويتحدث شريف عن «الأرزاق» وعن لحظة أحسّ فيها بالبركة، وعن معنى أن يكون الإنسان هو نفسه. وفي القلب سؤال: أي قيمة تؤمن بها، وكيف ستبدو لو صارت مكانًا تدخله؟

مع كوتش شريف أبو ديوة · إنستغرام @shifozz (https://www.instagram.com/shifozz) · ديوة لودج @diwa.lodge (https://www.instagram.com/diwa.lodge)

الفصول

00:00 — علاقة سامر العميقة بمكان ديوة
00:38 — شريف أبو ديوة وقيم الأصالة
02:24 — تجسيد القيم في تجربة ملموسة
03:53 — ديوة كقيمة مضافة للرحلة
05:08 — مفهوم الأرزاق والبركة في المكان
07:32 — الصدق في نقل التجربة الإنسانية
08:35 — الحياة من خلال الاتصال بالطبيعة
09:18 — فلسفة إحياء الأنفس والوجود

النص الكامل

سامر: السلام عليكم. أنا هنا موجود في ديوة، لسه مخلص الريتريت بتاعي، ريتريت اسمه إحياء. بالنسبة لي علاقتي بديوة هي علاقة عميقة، بدأت من قبل ما ديوة أساسًا تتولد، لأنها كانت علاقة بأبو ديوة. فخليني لأول أخلي أبو ديوة يعرفكم بنفسه، وبعد كده هقول لكم بقى العلاقة دي كان شكلها إيه بالنسبة لي.

شريف: أنا الحمد لله تمام، كله زي الفل، الحمد لله. إزايكم؟ اسمي شريف، بس اللقب أبو ديوة. واللقب ده ما كانش لقب أنا أطلقته على نفسي، الناس اللي جات ديوة أطلقته علي. طب ليه سامر بيقول دلوقتي إن علاقته بديوة من قبل؟ لأن أنا درست منهجية التفكير الحسي في كن، وهنا كان... يعني سبحان الله، هو الأربع حالات لديوة هم كانوا الرسالة المكتوبة. وقت معين، لما بيكون في وقت الدراسة، بنعمل حاجة اسمها البراند الشخصي، فكان الأصالة والهدوء والسلام والسكينة هم المحاور الأربعة. ما اكتشفته وشكلته من خلال اللي أنا عايزه لنفسي، عن طريق الدراسة دي وعن طريق حاجات كتير طبعًا عديت بيها في حياتي، بس كان قناة رئيسية جدًا إن أنا أعدي بالدراسة دي وأكتب الكلام ده، وأنا مش مفكر أصلًا إنه هيبقى مجسد في مكان، وربنا قدّر إنه يبقى مجسد في مكان. فهو ده اللي حصل، وعلى يدك. يعني أنت حاضر

سامر: مع الله، سبحان الله، يعني... وأنا أشهد. شوفوا، إن كل واحد فينا يشتغل ويحاول يلاقي القيم اللي هو مؤمن بيها، وحاجة مثلًا زي الأصالة، زي الإحسان، ويقول: أنا مؤمن بالكلام ده وعايز أعيش بيه، حاجة. وإنه هو يحققه على أرض الواقع ويبقى له شكل ملموس، حاجة تانية خاصة. فشريف، الحقيقة، من الناس اللي أنا سعيد جدًا وبفخر إنه هو من خريجين مدرستنا، كُن كوتشينج، وإنه يعني شرفني بإنه هو درس المنهجية بتاعة التفكير الحسي، لربنا، رزقني بيها. فإني أشوفه قدر يحول القيم المعنوية لحاجات ملموسة على الأرض، في صورة ديوة، دي حاجة بتدي معنى أعمق بكتير قوي لوجودي، بتحسسني بالأثر اللي إحنا بنتكلم عليه. لما تشوفوا التفاصيل، لكل زرعة هو بيسقيها إزاي، أصالة مش مية أو سماد، دي فيها أصالة وحب وإحسان. لما تشوفوا كل تفصيلة وكل غرفة عاملها، وحتى الطريقة اللي بيقابل بيها الناس، هو وناسه اللي هم جايبهم يشتغلوا معاه، تحس إنك قاعد جوه شريف، قاعد جوه قيمه. تلمس هو مين، وعايش إزاي، ومؤمن بإيه. ودي من الحاجات النادرة. عشان كده ما عملتش ريتريت في الفيوم، كان لازم إن أنا أروح المكان اللي أنا شايفه أصيل وحقيقي، وبيمثلني كمان، لأنه في النهاية كلنا بنشرب من نفس النبع. فمع نهاية الريتريت، كل الناس اللي معايا حسوا إنهم في بيتهم. ديوة نفسه كان قيمة، كانت، خليني أقول، إضافة للمحتوى بتاع الريتريت نفسه اللي أنا كنت بقدمه. فلما يعرفش عن ديوة، من القلب وشهادة حق، يبقى اسأله عن ديوة. وطبعًا هتعرفه أكتر عن أبو ديوة، ومن المفارقات بقى، نحن علاقتنا مركبة. فهي مش مسألة إن أنا جاي عند صاحب مكان بعمل فيه ريتريت وخلاص. لا، ده كمان حد درس معايا، وفيه علاقة ممتدة في ريتريت، رحلة تربية النفس والآخر اللي أنا ماشي فيها دي. فكان بيحضر معايا شريف، وبيطلع له حاجات. وسبحان الله، الأرزاق اللي بتطلع له، الأرزاق اللي بيقولي إنها وصلت له، يعني برضو بتدي معنى أعمق لوجودي. وهسكت هنا، وخليه هو يتكلم لكم عن أرزاقه.

شريف: طيب. الأرزاق كلمة بحر واسع جدًا، كل واحد يستقبلها إزاي. فكنا لسه الصبح النهاردة بنتكلم دايمًا، هو طبعًا كل علاقات الدنيا هي علاقة أخذ وعطاء، فيه give and take، بس فيه أوقات برضو... مواقبه ديوة بنوتو ديوة غالية عليه وعزيزة عليه، فيه ناس بقى برضو غالية وعزيزة، بتيجي. طب معظم الناس لما بتيجي ديوة وتقعد في ديوة، هي بتاخد من ديوة، وبتديها بسرعة أو بأخرى، وديوة بتاخد منهم برضو. بس فيه ناس بتشحن ديوة، من المرات القلائل، وهم مرتين حصلوا. مرة، حاجة كده خاصة بالمجتمع اللي أنا نشأت فيه، والمرة التانية هي حصلت المرة دي في الريتريت، إن أول حاجة قلبي يعني طاير وبيرفرف، إن المكان أو المجتمع اللي أنا كنت فيه في وقت من الأول، ونازلت فيه، شفت حاجات معينة عن نفسي، فقدرت أو مش قدرت... قدرة لي، وسمح لي إن أنا أستضيف ده في ديوة، اللي هي ديوة وأبو ديوة، اللي اتنين مع بعض كده دايبين وسايحين في بعض. وشفت إزاي إن ديوة أخدت، بس مش أخدت، اتشحنت. والشحنة دي مش سهلة. والشحنة دي أنا أحس إن في حد اتشحن، أو إن ديوة اتشحنت. آه، ماشي، بشوف إن دايمًا ديوة، الناس بتيجي بتقعد، تاخد نفس وبعد كده تمشي، بيدوا لديوة حب، بيدوا لديوة حاجات حلوة، بيدوا لديوة، أنا ممكن يروحوا يتكلموا عنها. بس الشحنة بقى دي هي البركة. البركة دي ما حستهاش غير أول مرة، كان بعد ما فتحت على طول. حصل كده زي نوع من أنواع الصلاة في الجنينة هنا بطريقة معانا، ودي فرقت معايا جدًا، وحسيت كده إن هو إيه، أنا متبارك كده من فوق. والمرة دي حسيت البركة دي وأنا قاعد بتأمل كده الناس وهي بتشارك أرزاقها، الناس وهي في طريق الإحياء. إزاي... سامر حاضر حتى أول يوم في الريتريت، هشارك حاجة كده معاكم سريع. كان في النزلة قاعدين قبلها، وقاعدوا يوم واحد قبل الريتريت ما يوصل، واليوم التاني قاعدوا، هما شافوا بس من بعيد اللي بيحصل. فشاركني النزيل كلمة مهمة جدًا، قال لي: الموضوع ده صعب قوي، لأن الموضوع ده مش معتمد على خريطة، مش معتمد على خطوات، هو خطواته بتشكل كل واحد من على حسب نفسه. فحتى اللي من برا شاف، وده فكرة إن اللي بيبقى جاي من القلب كده، بمنتهى الحقيقية والوضوح والأمانة في نقله، هو بيوصل حتى من غير ما... اللي هو يبقى فيه إنتيك لازم أديه أنا. ودي البركة. البركة إن الواحد يكون هو، فإن أنت تكون أنت، هي دي الحياة. يعني أنا فاكر في مشاركة عمدار الريتريت في اليومين اللي فاتوا، من جوايا وأنا بشارك بقول: أنا حاسس إن أنا حي في الطبيعة. فالحقيقية حياة، حي، إنت حي، وده بيبقى سبب بركة. وده لسه كنا بنشاركوا مع بعض الصبح، وإحنا واقفين هنا، إن البركة دي مش سهلة. فشكرًا إن إحياء، وكُن، وعائلة كُن، ورب عائلة كُن موجودين هنا. فرقت معايا. فشكرًا.

سامر: ربنا يبارك لك يا شريف. بالنسبالي إحنا في كُن وفي الطريق اللي إحنا ماشيين فيه، وده يعني الريتريت ده اسمه إحياء، هو مشتق من اللي إحنا بنعمله في طريقنا. طريقنا هو إحياء الأنفس، من باب من أحياها فكأنما أحيا الناس جميعًا. في النهاية، هي كنا في معادلة كده بسيطة: الإنسان لما بيعملها، نفسه بتحيا، بيكون أكثر حقيقية. والمعادلة دي الخطوة الأولانية فيها الحضور، وده طريق مدرستنا كله، وطريق اللي إحنا ماشيين فيه. عشان كده بدعوكم تعرفوا علينا أكثر، تعرفوا على كُن، تعرفوا على ديوة، تعرفوا على كل كوتش أقدمه لكم من مدرستنا، لأن الناس دي كلها ماشية نفس الطريق، اشتغل على نفسه قوي، حاول يربي نفسه قوي، حاول يعيش بحقيقية قوي، فيعمل أماكن زي كده، يعمل كتاب شبه كده، والنتيجة إن هو بيحيي نفسه، اللي هي نفسه هو، وبعد كده أي أثر بيطلع من نفسه بيحيي ناس كتير جدًا، كأنما أحيا الناس جميعًا. شكرًا جزيلًا لكل واحد سمعنا، قريب وبعيد، وأهلًا بكم. لو الطريق ده شبهكم، السلام عليكم. وشكرًا لشريف على حسن الضيافة، وشكرًا لكم على إنكم جيتوا وباركتوا وزرتوا ديوة، ناسًا وبركة.

ديوةأصالةإحياءالقيمDiwa

انشر

شارك مع من ستنفعه

إن لامسك هذا، مرّره لمن يحتاجه.